agora, que estamos rematando este curso, estamos xa pensando no próximo: novas metas, novos obxectivos, novas ilusións.
pero o primeiro que queremos é dar as grazas a todas as familias que colaboraron con nós nestes meses e nos axudaron a que, por exemplo, a preparación dos festivais fose máis levadeira, máis lucida, máis saborosa. grazas a quen nos prestou onde facelos, a quen nos axudou a preparar bocatas, a quen nos puxo un escenario, a quen nos axudou a cociñar, a quen sacou a idea dun fotocol e a quen o fixo realidade, a quen sacou fotos, a quen se puxo para saír, a quen grabou e fixo posible que todos puidesemos ver o grabado.......
grazas a juan, susi, paula, alba e david, antonio, charo, teresa, lucía, pamela, lorena, uxía, alejandro os do curso de cociña coa súa profe....e as nosas chicas da limpeza que teñen moita paciencia e nunca nos deron co pau do mocho.
e que todos saibades que imos seguir pelexando para conseguir mellorar a educación e as condicións nas que a reciben os nosos nenos. queremos un cole mellorado, uns accesos mellorados, clases de xadrez, semáforos de ruído, libros gratis, profesores de apoio e terapéuticos, transporte escolar sen tacha, seguridade no cole....pero todo isto, se o pelexamos só desde a directiva ten moitas menos posibilidades de facerse realidade que se somos moitas voces as que o reclamamos. por iso pedímosvos, outra vez, apoio e axuda para acadar os nosos obxectivos.