Hoxe xoves 23 de marzo celébrase o VII TORNEO DE XADREZ do
CPI. O torneo naceu no mes de novembro de 2009 e se celebra cada ano
cara as vacacións de Semana Santa.
Comeza sobre as 09:45 da mañá no ximnasio. O alumnado que vaia
participar debe dirixirse ao ximnasio en canto toque o timbre. O torneo durará
toda a mañá polo que o alumnado que participa non irá hoxe a ningunha clase.
Nesta edición hai 89
alumnos e alumnas apuntados entre 3º de Primaria e 4º de Secundaria. O torneo
constará de oito rondas e se xogará sempre contra rivais do mesmo nivel, é
dicir sempre xogarán contra aqueles que teñan o mesmo número de vitorias ou
derrotas. Todo o alumnado xogará as oito rondas.
O tempo para cada
partida é limitado (30 minutos aproximadamente). No caso de non rematar a
partida no tempo estipulado contarase o valor das pezas e adxudicaráselle a
vitoria ao que teña máis puntos en pezas, de ter as mesmas serán táboas.
En último caso decidirá a organización do torneo. Cada vitoria valerá un punto
e as táboas medio punto para cada un.
Desde a ANPA desexámoslles moita sorte ós participantes e animamos a todos os nenos e nenas que se apunten nas próximas edicións.