Lendo
a nota que acaba de publicarse na páxina do centro en relación á enquisa que se
nos vai pedir que cubramos esta semana, vennos á memoria o feito de que nunca
comentamos con vós (sempre damos por
suposto que todos estamos informados de todo, e iso xa sabemos que non é así)
os diferentes proxectos e plans que ten o centro que serven para favorecer e
vixiar o bo funcionamento do centro en si e de engraxar as engranaxes que moven
toda esta maquinaria que é a “comunidade educativa”.
Trátase
dunha serie de documentos que artellan o conxunto de normas relativas á organización e funcionamento
do centro e que xorden da participación e do consenso de toda a comunidade
escolar (alumnado, profesores, persoal de administración e servizos e nais e
pais do alumnado). As normas de convivencia, son elaboradas polo centro e teñen
como obxectivo fundamental desenvolver unhas relacións positivas entre os
diferentes membros da comunidade educativa para lograr un clima escolar axeitado
que facilite o logro dos obxectivos educativos e o éxito escolar.
As
normas de funcionamento do centro non son máis que un acordo que se aproba en
consello escolar onde todos temos voz e voto a través dos nosos representantes.
Por iso é tan importante que os pais participemos cando se elixen
representantes de pais para o consello escolar ou membros da xunta directiva da
anpa ou, simplemente socios xa que isto nos fai ter voz e voto en todo canto
atinxe á educación dos nosos fillos, entendéndose educación no sentido máis
amplo da palabra.
Na
páxina web do centro, na columna da dereita hai un apartado de documentos do
centro onde podedes atopar toda a normativa e proxectos que tentan facer do
noso centro un lugar tranquilo e organizado. Mirádeos porque son moi
interesantes. Para quen non saiba que significan as siglas aclaramos:
NOF: normas de organización e funcionamento.
PXA:plan xeral anual.
En
canto á enquisa que nos propoñen é voluntaria pero moi recomentable que a
cubramos. É anónima e cantos máis datos poidamos aportar máis real será a imaxe
que se estraia da situación conxunta das
familias. Por certo que ó comezo dan unha hora para realizala pero tárdase
escasos 5 minutos.
Desde
a directiva da anpa ofrecemos o ordenador que temos no local para quen non
dispoña de un na súa casa para cubrir a enquisa. Contactade con nós e vos
dicimos cando podedes vir.
Deixámosvos
un enlace para máis info sobre o proxecto da xunta e as expectativas desta
enquisa: